【韓流】32歲金在中疑生眼挑針 晒眼腫照keep住靚仔樣
金在中
韓國男團JYJ嘅32歲成員金在中噚日喺Instagram上載多張相,當中佢先上載一張大頭黑白相,然後留言:「事隔很久眼挑針想要復活了... 哈...危險。」
之後金在中再上載自己去咗睇眼科醫生以及再大特寫眼部嘅照片,並留言:「拜託請告訴我就係腫了吧。請告訴我聽日就會正常了吧!乾脆告訴我會變成眼挑針。我會洗手洗多兩倍時間,瞓覺時亦都唔會捽眼睛。」同時佢又喺twitter上載食雪糕照片兼留言話:「祈求唔好係眼挑針,醫生叫我要多吃多睡!話同感冒一樣!咁我就只好吃吧。」
雖然金在中就話自己眼腫腫,但唔少網民同粉絲都激讚佢嘅close up照,大讚佢即使眼腫都依舊咁靚仔,真係羨慕死人咁話。
精選韓流,喺晒《娛果》
http://fb.com/appledailyent