當年今日
關於我們

【出動90年代小生花旦】《東京愛的故事》拍檔再合作 美穗新劇戀未來女婿

蘋果日報 2018/07/19 19:15

織田裕二下町火箭中山美穗東京愛的故事阿部寬鈴木保奈美黃昏流星群

10月檔日劇將有多位90年代當紅小生花旦加入戰團,富士電視台已決定再搵嚟《東京愛的故事》黃金拍檔「莉香」鈴木保奈美同「完治」織田裕二合演日版《Suits》(金裝律師),係二人相隔27年後再登「月9」時段擔任男女主角,能否擦出火花實在令人期待。
由英國皇妃梅根馬克爾(Meghan Markle)演出嘅爆紅律師劇《Suits》,今次被富士翻拍成日劇,由織田裕二夥鈴木保奈美拍檔,織田飾演為成功不擇手段嘅王牌律師,鈴木保奈美就演織田所屬嘅法律事務所所長。有指富士台曾斟兩人延續經典開拍《東京愛的故事》續集,但係被織田婉拒。
至於影后中山美穗都落實演出10月播出嘅富士新劇《黃昏流星群》,故事改編自弘兼憲史原作,美穗今次演人妻女主角真璃子,丈夫係個銀行職員,由佐佐木藏之介演其夫,仲邂逅到黑木瞳扮演嘅目黒栞;同時,真璃子從女兒嘅未婚夫身上發現昔日男友嘅影子,繼而迷戀未來女婿,係個相當考演技嘅角色。
同時,TBS電視台同日正式宣佈,曾於2015年創下高收視嘅日劇《下町火箭》開拍續集,會起用主角阿部寬率原班人馬再合作,安排10月以重頭劇推出。
精選娛聞,喺晒《娛果》
http://fb.com/appledailyent