當年今日
關於我們

港超聯|甘巴爾看台聲浪再起 球迷批政府:限聚令多餘 成街都係人!

蘋果日報 2020/09/19 18:02

港超聯東方龍獅傑志限聚令武漢肺炎甘巴爾看台

港超今午重開,由東方龍獅於將軍澳球場閉門對壘傑志,兩軍球迷餓波半載,陣雨無阻他們觀戰欲望,逾40名球迷齊聚場外,有「甘巴爾看台」之稱的球場旁小斜坡聲浪不絕。氣氛雖不俗,但球迷認為足總應開放部分觀眾席,予球迷入場為愛隊打氣。
事隔半年,港超戰幔再起,因應政府限聚令,球賽悉數閉門舉行,今日縱有陣雨,逾40名球迷依然到場外為愛隊打氣,將軍澳運動場外有「甘巴爾看台」之稱的小斜坡聚集不少傑志球迷;東方球迷則於另一側攀上圍欄觀賽。久違的打氣聲於球場外再現,但球迷普遍認為足總應容許部分球迷入場,傑志球迷Doris指過去半年「悶到嘔」,非常期待今日賽事;結伴到場的文先生則批評政府限聚令成效不彰,理應開放觀眾席,「外國爆得咁勁都可以開放20%看台,香港波平時都係10%啫,難咩呢?其實有原因啦,根本好多限聚令都多餘,成街都係人。」他指武漢肺炎席捲體壇,短短半年即摧毀香港球壇過去十年的努力,球員、教練淪失業大軍,甲組等賽事完全停擺,對球壇未來感悲觀。另外,78歲的李伯表示餓波太久,早於開賽前兩小時已到達球場外圍,「我睇咗幾十年波,而家梗係開心,餓波半年喇,可惜啦今日有又唔畀我入,應該放啲擁躉入去,我一點就嚟,想見見啲球員喇。」
empty
傑志球迷文先生(左)和Doris(右)嘗試從球場圍板間的罅隙觀戰。
empty
球賽閉門,東方球迷爬上圍欄觀戰。
empty
78歲的李伯(左)開賽前兩小時已到達球場,希望與久違的球員打招呼。
-----------------------------
《體蘋果》陪你睇波講波
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁