浸大根本唔掂,中大至少都有幾十年嘅藝術系,理大又有設計系,浸大負責嗰位文學院院長鍾玲教授係文學專家,但係唔係視覺方面嘅專家,江湖傳聞話畀浸大咪係因為肥佬何覺得阿清輝好控制,聽聽話話,任佢點囉。
肥佬何精通中國官場任人唯親嗰套,呢幾年搞到香港文藝界雞毛鴨血,以前兩個市政局喺度都有班議員理吓文化藝術,𠵱家唔係有西九,立法會班大爺鬼理你,肥何咪亂搞囉,老董又管唔掂佢,有次創意產業吹水大會,成班學者文化創意界精英都向老董投訴肥何點唔掂,乜都冇做,剩係搞啲大show,要嚟畀自己同祖國高官搞關係,總之肥何一日當官,香港文藝界都冇好日子過,香港政府話要大力推嘅創意產業又係得啖笑嗰隻。
文化怪士
傳真︰2623-9278
電郵︰
[email protected]