現年26歲嘅日本長腿索模菜菜緒，唔單止係影視界嘅搶手貨，就連廣告合約都接踵而來。由於菜菜緒深受品牌同埋廣告商歡迎，佢噚日就出席記者會，宣佈成為玉泉汽水嘅產品代言人。

呢輯廣告同時曝光，菜菜緒今次化身性感小矮人，仲以一身英國旗打扮盡情晒腿兼散發女人味。不過廣告出街後，觀眾發現以長瀨智也為首嘅男子組合TOKIO，原來最近都喺宅急便廣告中大玩小矮人橋段。