唔經唔覺，今晚係第10日世盃賽事，發覺1晚連做3場賽事所消耗精神真係唔少。
我哋位嘉賓主持KK張國強，揭幕戰當晚已經失聲，但佢都無請假，嗰種專業精神實在值得敬佩，好彩佢把聲𠵱家已經慢慢好番。
識咗KK唔過兩年，發覺有佢確實生色不少。佢唔只形象夠健康正氣，同我哋班嘩鬼又玩得埋，最重要係佢識踢波，以紅褲子出身嘅角度去分析場波，就最能說服觀眾。

每晚3場波唔易捱

透過「PHONE波熱線」打入嚟嘅觀眾，唔少都係KK擁躉。最近KK同佢仔仔出咗隻教踢波DVD，佢都送畀我哋每個主持一隻留念。同班朋友一齊睇，無不稱讚KK嘅球技，佢哋都話KK踢波基本功真係好了得，控球、傳球等都做得好好。同一個又好波又有專業精神嘅KK共事，真係獲益良多。希望佢保重身體，以最佳狀態同我哋一齊度過。
另一個曾經病倒嘅阿鵬，1晚講3場波後有啲失聲，但係佢都堅持一貫風趣幽默風格，為觀眾帶來歡樂。雖然我成日頂佢嘴，其實我都好佩服佢嘅敬業精神，希望佢早日養番好把沙聲，繼續帶來更多笑料。
Wendy
兩年前歐國盃EuroBabes，今日已成為球彩台受觀迎主持。