當年今日
關於我們

英皇藝人許靖韻、洪杰齊謂冇俾毒品引誘

蘋果日報 2014/05/03 06:00

毒品洪杰許靖韻

許靖韻、洪杰今日喺長沙灣出席禁毒時裝比賽,佢哋為比賽做評判,問佢哋有冇試過被毒品引誘?許靖韻話未試過,但都有聽過呢啲嘢,公司同事亦冇呢樣嘢,個個都好健康,鍾意跑步同運動,佢又話公司同事有提佢,去party要小心啲,有咩都唔好亂嚟,要同公司交代。

許靖韻笑笑口話:「食嘢就引誘到我,毒品唔會掂。」洪杰即笑話許靖韻鍾意食嘢到好似毒品咁。洪杰話入行前都有人引誘過佢,因為嗰時喺美國讀書,都有同學走堂吸毒,不過自己有哮喘,所以冇接觸過,聞到味都會避開,生命返唔到轉頭,會sayno。