其中寄畀CY嘅信件，上面有多項預言，包括指本月15日港警將對一群「謀反者」作出指控，仲透露係一項襲擊事件同發現一啲化學品、電腦和煙霧彈。而香港警方就正正喺15日破獲一個炸藥庫，拘捕10人，當中有人自稱係「本土派」。
朱瑟里諾信件第一項預言成真，令網民更關心第二同第三項。第二項預言係話6月20日至8月26日期間，年輕人不滿中國維持香港嘅政治系統，香港會有好多遊行示威，仲同警方發生衝突，再次引發雨傘運動。第三項預言就話喺6月15日至10月28日，有人因為政治問題，或於中國同香港發動襲擊，但朱瑟里諾都話喎：「我希望以上的預測是錯誤的。」