蔡素玉透露會於下周提出推廣普通話的動議辯論，即時一石激起千層浪，連大Sir（鍾士元）都無辜被拖落水。
周梁自認普通話不差，好自信咁話大家發言時都可以用普通話，不過就要練好啲。劉慧卿「搭嗲」話，咁緊張練習，係咪擔心有人會出醜？身為福建人的蔡素玉當然不擔心，對黨友都好有信心，她會要求民建聯議員於辯論時一律「煲冬瓜」。
張文光經過插嘴，話要民主黨支持該動議，有兩個條件，第一就是自己發言時毋須講普通話，費事影衰民主黨，否則好似大Sir回歸當晚咁出醜法，俾人笑到今時今日就冇謂。第二，要講得好的議員特登講差啲，以免顯得其他人太不濟。


E-mail：[email protected]