【積奇論戰】快活谷試閘贏得易 潘明輝威武現身
威武再現潘明輝積奇論戰
今次(26日)拆禮物日夜賽,快活谷編八場,採用C加3跑道角逐,上季同期賽事在去年12月27日舉行,同樣跑谷草八場,結果方、何兩個馬房都起孖,
今次這兩廐參戰馬實力甚強,有機會食過翻尋味,騎師則有莫雷拉贏兩場。今次夜賽,不少場合參戰馬實力狀態都拉得平均,是混亂之局。
第五場四班1200米:「威武再現」至今還未出頭,但上季在四班條件賽,負予「飛霸龍」及「美麗寶貝」跑第三,水準絕唔曳,可惜其後進度未如理想。
今季「威武再現」跑了一仗谷草1200米得殿軍,11月再報名,因血液不正常退出,與健康無關,且一直有正常操練,埋門試谷閘,跟放直路按實跑第一,姿態悅目,馬身收得靚,論態遠勝上回。恨贏馬鬥志鮮明,抽排1檔形勢大好,值得優先留意。
「狀元才」加盟方廐即投入操練,早前已連續拍三課,埋門交巴度試閘,有前有後纏鬥到底,論馬落四班且排得3檔,形勢大好,是前駒最強對手。
「常豐裕」演出無疑頗反覆,但跟莫雷拉好合拍,從化試閘隨意跟跑,示人以弱,排2檔有利,隨時可變身上名。
「喝采」上仗潘頓留放一絕,今次用蔡明紹也合拍,季內人馬跑三場獲兩位,有權繼續交出好成績。
其餘「團圓豐收」近績好,返從化試閘,搶放兩段便按實,論狀態一定夠爭勝水準。「陽明亮亮」勤操勇況更添,排檔(11檔)則不利。
「印印腳」實力平常,睇狀態卻相當弗,初戴眼罩有變數,冷腳可考慮。