當年今日
關於我們

  「董太歲」有得買 - 李八方

蘋果日報 2002/03/10 00:00


各位《蘋果》讀者,重記唔記得呢個咁得意生鬼嘅「董太歲」(圖)呀?呢位太歲前幾日已受玉皇大帝敕封,續咗五年新約,未來五年佢都會日夜陪伴住你哋,蟻民百姓食粥食飯都係靠佢㗎啦!
如果你哋想未來五年順風順水,最好就請董太歲返屋企供奉,求佢老人家醒醒定定,唔好搞風搞雨,等大家有啖好食,有覺好瞓;但千祈要記住唔好喺佢老人家頭上動土,否則就會一身蟻!
呢個由漫畫家尊子老兄創作嘅「董太歲供奉像」,𠵱家就可以喺《蘋果》訂購,每尊只賣二十蚊雞,抵到爛!但八方喺度提醒大家,聽日(星期一)就截止啦,欲購從速,有買趁手(訂購表格已刊登於三月四日及七日的《蘋果日報》),所有收益都會撥捐「蘋果日報慈善基金」,既保佑自己又做吓善事,何樂而不為?


E-mail:[email protected]