當年今日
關於我們

中環在線:吉利CEO做埋股東會繙譯 - 李華華

蘋果日報 2017/05/26 00:00


常言道「一登龍門,聲價十倍」,吉利(175)今年2月染藍,噚日舉行股東會,小股東竟然馬拉松式向管理層提問,搞到平時個半粒鐘開完嘅股東會,差唔多兩粒鐘先至結束,公司唔只升價,就連股東會都加時。行政總裁(CEO)桂生悅都話估佢唔到!
噚日其實唔多小股東到場,大約廿人,不過好多人有問題,例如問公司有幾多名員工,會否配合一帶一路發展之類,由於管理層都係內地人,以普通話作答,答完,小股東又話唔明,桂生悅本身係內地人,但廣東話都掂,唯有充當繙譯,結果一問一答一繙譯,就兩粒鐘先至開完會嘞。
會議結束後,幾位小股東唔捨得走,繼續拉住管理層傾多陣㖭。只可以話,公司做咗藍籌股,小股東自然更加關心佢㗎喇。
empty
股東會完結後,有幾位小股東捉住管理層再傾。
97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk