如果梁振英喺明年施政報告公佈話取消,經民聯7票會唔會喺施政報告「致謝議案」一如以往投支持票?定係唔投票話走咗去洗手間辦公先?如果條例草案上到嚟,支持定反對呢?兩人同稱到時先決定,因為仲有好長時間。有人問及CY若決定履行呢個選舉政綱,經民聯仲會唔會支持CY做特首呢?梁君彥話,家吓邊隻馬落場競選都未知,視乎未來發展,強調視乎參選特首嘅人對香港整體營商環境有冇影響。
經民聯喺支持政府方面任重道遠,不時鬧爆CY嘅自由黨對上述問題來得較經民聯撇脫,無後顧之憂,所以自由黨決定另起爐灶,自己搞反對取消強積金對沖平台,難怪經民聯搞七大商會平台,自由黨都唔加入啦。自由黨張宇人早前講過,擔心經民聯會轉軚,出賣中小企喎。
花生友
周二、四刊出