【全民抗疫】而家打流感針仲有無用? 醫生話你知10大防疫錦囊
武漢全民抗疫
受流感疫情及武漢不明肺炎夾擊下,港人陷入疫症危機,近日更引發全城瘋搶口罩,導致人心惶惶。究竟而家先打流感針仲有無用?打流感針又有無風險?踏入流感高峰期要注意甚麼?家庭醫生林永和將正確資訊話你知:
【1問】而家打流感疫苗有用嗎?
【1答】有幫助,本港已正式踏入流感高峯期,預計持續約8至12星期,不少私家診所仍有流感針存貨,市民現時去打針,仍可趕及應付高峰期襲擊。今個冬天到診所打針的病人較往年多,尤其一家大細齊齊嚟打針,估計與近期市民防疫意識提升有關。
【2問】打針後即時有效?
【2答】不是。打針後身體要2星期才能產生抗體作預防,所以市民要趁早去打針。加上好快農曆新年,出去食飯、拜年都有機會去人多擠逼地方,診所新年又會放假休息,市民應趁早打預防針,尤其高危人士。
【3問】流感針有甚麼副作用?
【3答】大概每5個人就有1個人,會有以下情況,例如針口痛或紅腫,甚至出現發燒,通常唔會維持好耐。至於出現吉巴氏綜合症就好罕見。
【4問】甚麼情況不宜打針?
【4答】出現發燒、患感冒或作病都暫不適合打流感針,但係濕疹、鼻敏感或腰骨痛呢啲病,通常都可以打針,市民有疑問應先問清楚醫生。
【5問】打咗針就唔使怕流感中招?
【5答】不是。流感疫苗保護效用大概係50%至70%,所以打咗針都要做足預防措施,包括勤洗手、到人多地方要戴口罩。無論如何,打流感針都可以減低中招機會,或者減輕病情嚴重程度。
【6問】農曆新年就快到,除咗打針,仲要做甚麼預防措施?
【6答】到人多地方要戴口罩,要勤洗手,尤其在街摸完扶手、門柄之後。返到屋企都要洗手,污糟衫唔好放在床,集中一個位置處理。出外拜年,記住洗手後先喺賀年全盒拎嘢食。另外要留意有無正確戴口罩,例如有無掉轉口罩、口罩有無貼面等。市民可以睇衞生防護中心網頁「正確使用口罩」 https://www.chp.gov.hk/files/pdf/use_mask_properly_chi.pdf參考相關資訊。
【抗流感錦囊】
● 及早注射流感疫苗,尤其高危人士
● 摸眼、口或鼻前,要保持手部清潔
● 觸摸扶手、門柄,或接觸呼吸道分泌物如咳嗽或打噴嚏後要洗手
● 洗手時要用梘液清潔,搓手至少20秒。如沒有洗手設施,可用含70%至80%的酒精搓手液潔手
● 打噴嚏或咳嗽時應用紙巾掩蓋口鼻
● 出現呼吸道感染症狀應戴口罩,避免返工返學
● 到人多擠逼地方要戴口罩,並確保正確使用
● 保持均衡飲食、恆常運動、充足休息
● 室內須保持空氣流通
● 定期用1比99稀釋家用漂白水消毒家居如家具、兒童玩具,待15至30分鐘後再用清水抹乾,另可用70%火酒清潔金屬表面
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 -----------------------------
無懼警暴 學懂自救
《抗暴之戰●法例須知》
讀果 上架
-----------------------------
【撐學生】
召集有心人 撐學生全年睇《蘋果》
立即按此