雨僑、何佩瑜（Jeana）、郭穎兒（CeliaK.）同胡耀輝，噚晚喺中環蘭桂坊為月底上畫新片《猛龍特囧》造勢，佢哋仲帶埋10位網絡男神選舉參賽者出現。

完成宣傳後，電影公司喺今日凌晨時份，繼續安排哋拍一啲宣傳，10位候選男神先喺老蘭街頭獵艷，於是成棚人就上樓到一間夜場，玩類似極速約會咁，Jeana、Celia、雨僑同胡耀輝，仲同大家一齊舉杯暢飲，預祝新片大賣，場內氣氛high爆，Jeana同胡耀輝咬耳仔，密密斟。

眾人暢飲完，跟住又落番老蘭再拍過，Jeana同Celia分別有兩名女助手傍實，尤其Celia仲有助手擔住傘擋雨，排場十足，相對雨僑只有一宣傳人員陪同，三女同胡耀輝一字排開，跟住男神參賽者就企後面，佢哋由老蘭斜路行落嚟，呢一幕，好有電影《喜愛夜蒲》feel。