到底係而家啲蠟像太像真？還是因為其他原因，早幾日被十三億人民喻為「國民老公」嘅陳偉霆，有個新嘅蠟像進駐北京杜莎夫人蠟像館，就連陳生本人都大稱呢個鐳射look嘅蠟像細節做得非常到位。（新聞連結： https://bit.ly/2zqQi4W ）

嗱，呢個新蠟像到唔到位就唔評論，但由陳生扮的蠟像就一定非常到位，事關連生佢出嚟嘅陳媽媽亦分唔到，搞到呢位十三億人民老公嘅阿媽，非常震驚。

話說William官網最近就上載咗一段當日係蠟像館，William整蠱阿媽嘅片段拍嘅影片。

片中先有工作人員先叫陳媽媽揭開遮住蓋住由William扮成蠟像（重申！係真人扮！）的布，揭完之後陳媽媽仲拍晒掌咁好開心，之後大家就叫佢去「蠟像霆」旁影相，唔知個蠟像係真人嘅陳媽媽當然照做，而期間更有人不停叫住「可以摸！」，陳媽媽當然照做伸手摸落去，可能有體溫關係，摸咗「蠟像霆」一下嘅陳媽媽已即時被嚇親，好尷尬地彈開咗，呢頭驚魂都未定，轉頭陳媽媽又行番去蠟像旁繼續影，點知呢刻「蠟像霆」隻手又細細力郁咗一下，再度被嚇親嘅陳媽媽想彈走之際，「蠟像霆」即時現真身，嚇到阿媽大叫兼踎地，而William就即時攬住阿媽大笑。

而睇過呢段片嘅十三億陳老婆亦大讚老公頑皮又可愛，仲話佢演技好添！

精選娛聞，喺晒《娛果》
http://fb.com/appledailyent