本港前冠軍騎師韋達，周三晚（18日）停賽期滿復出，座騎中第二場五班1800米隻「勇晉神駒」上仗喺泥地1650米大勝3個幾馬位，今仗必受注目。

韋達話「勇晉神駒」增程跑1800米唔會有問題，不過佢提醒大家，此駒上仗遇上夢幻形勢，貼到內欄跟前，當日又不利後追，所以贏得咁輕鬆，似乎能否連捷有少少保留。看賽績，「勇晉神駒」今仗加9磅再戰亦非輕鬆，熱捧前確實須小心。