何家三房千金何超雲、何超蓮向來姊妹情深，不時喺微博及Instagram互笑對方，不過，大家有乜嘢唔舒服，佢哋都會好擔心！

超蓮噚晚忽然覺得肚痛，家姐超雲都有攞藥畀佢食，超蓮今日凌晨就喺微博抱怨：「知道我昨晚肚子痛睡不着而拿了一堆藥給我的貼心姐姐️可是沒有包裝這到底都是甚麼藥啊！」

超蓮仲貼咗一袋藥嘅相出嚟，啲藥又冇寫明係乜嘢藥，又冇列明食幾多粒。超雲真係唔知係貼心家姐定係大懵家姐嘞？