雷神莫雷拉鬆人不再在港策騎，潘頓難免獨大，他重視的馬，當然大有留意價值，而他今期突然上心的馬是哪一匹呢？就是蘇偉賢馬房的「好叻仔」。

點解咁講呢？這天(25日)沙田馬場晨課，潘頓特意到場，全日獨操「好叻仔」一駒，為牠在大跑道快跳兩段共800米，操完便收工，明顯對此駒情有獨鍾，非常緊張牠的進度。

「好叻仔」在港29戰得4亞5季而不勝，當然不是甚麼好貨色，但上季尾最後一仗跑1400米在潘頓胯下得季軍，只負短馬頭位，其實已很接近勝利邊緣，如今更降至35分新低，「好叻仔」本身6歲又不算老，難怪潘頓對這匹馬咁神心，這天周末亦犧牲休息時間，特意到場只操此駒才安樂。