正所謂遲到1秒都係遲到，FIFA今次就真係揸正嚟做；話說英超球隊李斯特城今夏轉會市場最後1日，先同葡萄牙士砵亭，傾得成收購葡國中場艾迪恩施華，李城仲要俾2200萬鎊（約2.2億轉會費），但因為時間太緊逼，截止14秒球會先幫佢去FIFA註冊，結果FIFA拒絕接受李城嘅申請。

因為呢14秒，李城就蝕好多，因為轉會已經完成，艾迪恩施華已經係「狐狸」球員，但又唔可以註冊落場，要白白支人工俾佢。跟足例呢，李城要等到下年1月先幫艾迪恩施華註冊，宜家佢哋就向FIFA提出上訴，睇吓可唔可以額外開恩。