由任時完、姜素拉、姜河那等主演嘅tvN人氣劇集《未生》，大前晚大結局，以超高收視嘅成績完滿閉幕，眾演員係當晚仲搞咗慶功宴齊齊睇大結局。

而男主角任時完因為劇集帶挈而成人氣急升，廣告更接過不停，任時完本身都好唔捨得呢部劇集，所以佢都好感觸係網上留意答謝粉絲，仲話：「懷着期待同着急嘅心情從第一集開始，睇到最後一集，真係唔容易嘅一段旅程，感謝電視機前嘅觀眾同粉絲們對我，同埋呢部電視劇嘅大力支持同厚愛，無論我今後將以何種形式出現係舞台，我永遠都係大家心中嘅未生。」

噚日一早任時完仲同其他演員齊齊出發去菲律賓，展開佢哋嘅慶功旅行，不過姜素拉同姜河那就因為有工作係身，所以就冇一齊隨行，但係姜素拉都有上載佢同姜素拉嘅合照到twitter，仲因為冇得同劇組一齊去旅行而整咗個喊緊嘅公仔圖案。