【強國女友手握慾照】陳曼娜女婿高調現身接妻 圖闢謠
床照Dicky陳曼娜Joie蔡朝旭
陳曼娜寶貝女Joie上周嫁上市公司董事及投資公司總裁蔡朝旭(Dicky),點知新婚燕爾……
內地全明星探噚日爆出Dicky婚前有一個內地大學生女友金小姐,喺婚後兩日被影到一齊喺中環前往銀行,期間大陸女仔仲爆喊疑似攤牌,有傳女方握有情慾相(新聞連結: http://bit.ly/2gEs4XQ ),盛傳大陸傳媒有晒相喺手,今日《全明星探》又真係擺咗一張金小姐同Dicky嘅床照出嚟,相中見Dicky熟睡中。
下午6點幾,Dicky現身中環,去到太太Joie開嘅綜合牙科中心樓下,話上去接太太,講到內地大學生金小姐喺網上爆料有好多嘢?Dicky氣定神閒咁答:「知道!不過遲啲會正式開記者會同大家講,嗰啲唔係事實嚟嘅!」
被問係唔係結婚第二晚就上咗金小姐度,仲有床照,Dicky就話:「遲啲就會講!」講到知唔知金小姐聲稱兩個月冇嚟月經,佢話:「呢啲真係唔清楚,唔知!」如果女有咗小朋友,有冇信心個小朋友唔係自己?Dicky話:「呢個絕對唔係,個仔都唔關我事,我自己都唔知情。」
講到岳母對佢嘅信任有冇動搖,Dicky未有正面回應:「總之唔係事實,遲啲會開記者會。」