德甲球隊RB萊比錫喺星期二嘅歐聯分組賽作客以0:2輸畀土超嘅比達錫斯，上半場更加有前鋒迪姆要調離場，不過呢位德國國腳並唔係受咗傷，而係頂唔順比錫達斯嘅「第12人」--球迷。

話說主隊比錫達斯嘅球迷喺呢場比賽表現非常狂熱，嘈到迪姆華拿頂唔順要去場邊拎耳塞嚟塞住對耳仔，可惜咁做都係冇乜作用，21歲嘅佢喺32分鐘都要被換走，離開球場嘅時候仲見到佢用手指塞住對耳，可見球迷力量係幾咁犀利。

另外，下半場比賽中，球場燈光曾經發生故障，球員要返返更衣室等候，大約12分鐘之後先至繼續比賽，但RB萊比錫都係冇辦法扭轉形勢。