今日重提,因噚日離岸人民幣喺香港銀行同業拆息都抽上13.4厘。理由可以有一百幾廿個,不過我只係信背後有國家央行出手打炒家。大陸嘅嘢好簡單,錢,或者準確啲叫資本,已經摧毀咗,市價未追番。一係就係啲債主要硬食,將債仔破產、清盤,跟住攞佢哋啲資產變賣,賣完都唔夠還,就連債主(即銀行)都要清盤。呢招就係「應該咁做」嗰招,不過要無比政治力量,因為真係會逼到債仔燒炭或觸發銀行擠提潮。
易食啲嘅方案,就係畀貨幣貶值。不過一旦市場覺得你會用呢招,就會人踩人咁沽,而有外幣債嘅公司,本身可能生意賺本地貨幣上能力冇嘢,不過就因貨幣貶值而倒閉。
索羅斯話今年似2008年,不過我覺得似1997年多啲。2008年、1997年,都係資產價格泡沫爆破危害銀行系統,有乜分別?分別係2008年個個都係借美元,最終聯儲局亂印美元救債仔,不過1997年就冇。而最終分別係,美國到今日仲係共和、民主兩黨玩晒。如果1997年1月1日你去印尼街頭問任何路人:「蘇哈圖政權仲可玩幾耐?」佢哋個個都會話:「直到永遠!」你試吓喺我國做同一實驗?
孫柏文
獨立股評人
http://facebook.com/shuen
本欄逢周二刊出