姚浩政投資六位數字買入英國背包品牌，並在旺角開鋪，今日邀請圈中藝人白雲、鄭伊娜及一班好友到場支持，每月會捐出10%畀導盲犬協會作慈善，現場進行簽署儀式，仲有三隻導盲犬現身。姚浩政希望在商界展拳腳，而白雲對犬隻愛護有加，家中狗隻都係街上執回來。

白雲老公從事建築生意，近日佢四出幫老公做公關拉客，夫唱婦隨。近日有件事就令白雲好嬲，佢話：「世界盃時有間酒吧用咗我張相做poster，後來我透過助手同佢哋老闆傾，點知佢哋態度好差，一班男人蝦女人一樣，又話唔關佢哋事係公關公司問題，所以決定出律師信，基本要求道歉，到時會再同大家交代，自己工作付出幾多都唔緊要，但忍受唔到被男人蝦。」

白雲經常在網上展示吃喝玩樂性感照，佢話老公不單止冇詐型，仲會同佢一齊揀靚相post，佢話：「佢覺得性感被人望都係因為靚，人哋先想睇，冇邪念，老公讀建築，審美觀念好好，我成日都話老公係我三十年來見到最好男人，又正直，唔似啲蝦女人男人。」

精選娛聞，喺晒《娛果》
http://fb.com/appledailyent