鷹君（041）自上月爆發爭產戰後，事件中保持中立的四子羅康瑞一直保持緘默，直至5月24日，羅康瑞旗下公司瑞房股東會上，首度開腔講述家族爭產一事。

羅康瑞於股東會後，被記者問到有關鷹君爭產一事，羅康瑞直言，對今次家族發生這件事覺得「好遺憾」，他指，媽媽(羅杜莉君)身體較一般同齡的人好，頭腦清醒，五弟羅鷹瑞功不可沒，雖然有兄弟希望媽媽可以換醫生，羅康瑞坦言：「我對這並不反對，不過希望羅鷹瑞可以繼續睇媽媽」。

他又指過去一個多月以來，未能見到媽媽，亦不知道她身在哪裏，亦無法與她聯絡。羅康瑞舉例，過去如果一個星期無見媽媽，「佢會即刻打黎鬧我」，「我o依家希望佢可以打來鬧我」，因為「我真係同佢失去聯絡」。

對於滙豐信託，他指，這要追溯到84年父母將股份交由滙豐全權托管，若滙豐不聽指示，在法律上是不可行，又指媽媽雖然頭腦清醒，但「對公司同法律有幾清楚，大家可以想像」，羅康瑞相信，媽媽是受到擺佈。

對於媽媽發公開信指羅嘉瑞不孝，他指這對羅嘉瑞是不公平，「如果要鬧直接鬧，根本唔使寫信，要寫都唔使醫生、律師在場，如果親手寫更加唔使睇、封信唔係媽媽嘅語氣」他又說：「我有看到媽媽有錄音及寫紙表明不希望做這件事（告滙豐信託）」。他又指，信託中佔最大份是羅嘉瑞，因為係當年爸爸（羅鷹石）叫羅嘉瑞返去幫手，羅嘉瑞對公司有最大貢獻，其次係羅鷹瑞，因為羅鷹瑞照顧他們兩老照顧得很好。

羅康瑞說：「羅嘉瑞將鷹君由一間就破產公司，變做資產600億公司，可能肥田有人爭」，又指，公開信是對羅嘉瑞「人格謀殺，可悲可恥」而媽媽已經97歲，實應該享清福，並不是打官司。他更自爆「我好細份(鷹君股份)，我冇意見喎，因為我係鷹君度冇任何職務，我係一個董事咋。同我爸爸係1971年借錢俾我創辦了瑞安，我好感激，所以我好細份冇問題。」

當羅康瑞交待事件後，欲離開會場時，記者繼續追問到可會搵媽媽，羅康瑞直言，好想見媽媽，所以如果有人阻攔，「我o依家真係會郁手」。對於與其他人是否仍是兄弟等提問，羅康瑞並無回應。但他卻說：「o依家件事發展到呢個情況，相信好難去傾架啦，大家已冇晒信任。我希望大家了解實情。」另外，他亦提到「有些兄弟出嚟講說話係無真實成份，話去控訴匯豐信託，是家庭開晒會議，同意晒，有好多文件，而我一張都未睇過喎！」