57歲黃子華今年舉行最後一場棟篤笑，消息一傳出，黃牛即出沒，子華都心痛fans買唔到門票，不過情願見到一排空櫈都唔想fans買一張黃牛，今日有周刊指子華每次搞棟篤笑都一個閉關，絞盡腦汁去度橋，台上一分鐘，台下十年功，笑匠背後，過程係有苦自己知，有知情者向周刊稱子華決定最後一「棟」係因為每次開棟篤笑，子華一個人去諗，過程中嘅精神壓力都幾大，加上早年曾患抑鬱症，擔心度橋太投入，俾自己太多壓力，令抑鬱症復發，所以先決定「收咪」，日前子華去咗間coffee shop坐咗大半日，一時發呆一時沉思。

據報道指，子華同時都想試一啲新方向，之前佢同陳法拉主演舞台劇《前度》(新聞連結： https://bit.ly/2GPbxja )，令佢對舞台劇產生情意結，之前佢秘密開咗劇團「榞劇場」，陳淑儀2014年開始做藝術總監，子華做董事，唔通子華唔搞棟篤笑，會轉戰舞台劇定繼續拍電影。

精選娛聞，喺晒《娛果》
http://fb.com/appledailyent