當年今日
關於我們

【冠軍級組合】同韋達傾晒密偈!大摩新直路王未夠皮

蘋果日報 2018/12/20 10:36

大摩薈力之城韋達晨操

13屆冠軍韋達今季成績明顯好轉,最主要原因係與大摩加強合作。今季其暫時18場頭馬之中,有半數來自大摩馬房。
周日(23日)第九場二班1000米「薈力之城」,今朝(20日)7時半左右由韋達親自策騎在草地1800米起步處快操。
大摩在飛機坪落策騎指示後,隨即踩單車到該處觀操,之後再趕返飛機坪接馬,騎練傾咗差不多十分鐘。
「薈力之城」今季由韋達接手之後,兩戰三班田草1000米皆順利勝出。今次原班人馬再跑同程,雖然要升上二班作戰,但對手並唔強,絕對有能力三連捷。