孫柏文上回馬丁路德上身，講過因馬會幾十年來，為國際賽日威啲，將「提高馬匹質素」變成教條，引入越來越「先進」嘅換馬政策，衍生出令賽馬作為投注活動嘅吸引性減少。
除咗減低博彩外，令一換馬政策帶來嘅惡果，就係令馬會cheap咗。點解？我問你，馬主點解以前咁威？最重要就係錢isnothing。首先，入會神奇地平，入會難在錢都買唔到（用錢要去飲咖啡）。跟住抽馬又要身家清白。最後，究竟匹馬好唔好，就係睇左膠覺最公平嘅嘢，彩數。不過當你可以不停換馬時，就可以學暴發嗰句：「錢多就得啦！」一去到呢個位，即cheap。
咁錢多又點？你可唔可以錢多到杜拜猶長般？連佢都要輸畀Magnier。最弊係攞幾百上千萬都仲可以玩，不過如果感覺係燒錢先可以保持競爭力，馬主們會開始患winner'scurse，越成功越輸得多。最後俾人笑做suckers。
最慘係馬會一向係肯定新來港人士是否「到了」嘅指標。不過依家有大量會員私底吓問，啲國內同胞能做會員養到馬，係因馬會官僚覺得佢哋成個sucker咁使錢。仲問除「英皇御准」外，不如去埋「香港」兩字？去埋唔緊要，不過係咪真係可以全國受注，促進國內善事先？簡直係對真心對賽馬有興趣嘅國內新會員不義。下期繼續。

今期推介二場「軍駒」、「軍號」、「藍色海灣」鐵角連贏。