當年今日

「我都想鼻高眼大櫻桃嘴」
阿Rain影射林峰整容

蘋果日報 2004/05/19 00:00


李彩樺(阿Rain)最近被指與蕭若元兒子蕭定一相戀後,其前緋聞男友林峯以輕佻口吻回應,引起阿Rain不滿。阿Rain前晚錄影無綫節目時作出反擊,明寸林峯近期鼻子忽然變高,更不客氣地說:「唔知佢係咪食咗生命麵包呢?」
李彩樺、方力申及男子組合Boy'Z等,前晚在將軍澳電視廣播城錄影遊戲節目《爭金奪標GETSETGO》,眾人在節目中分成三隊比賽,包括撲排球、射籃球、運水球等合共七個環節。
阿Rain最近被指與蕭若元兒子蕭定一相戀後,其前緋聞男友林峯以輕佻口吻回應說:「哎呀!如果我係讀者都想睇啦!」日前一對冤家在另一活動中碰頭,林峯與阿Rain合照時即表現尷尬。阿Rain前晚接受訪問時說:「連續兩日都撞到佢,我冇尷尬,我亦都冇避佢囉!」

永留情史表
對於早前有雜誌指林峯到夜總會消遣,阿Rain表示有留意該報道,她說:「登喺封面實有留意,重登咗我張相喺佢嘅情史表度,我諗我個名好難刪除,永遠都喺佢個表入面。」
阿Rain被問到有否察覺林峯近期容貌有變?她竟毫不客氣地說:「可能佢個人成長咗,個樣咪唔同咗,唔知佢係咪食咗生命麵包呢?我都覺得佢有少少唔同,但係又講唔出有乜嘢唔同,希望我都會愈大愈靚,個鼻變高啲,眼又大啲,個嘴變得櫻桃啲!」
問阿Rain信不信近得靚人多會變靚?她說:「佢又唔係魔術師,等我識番個魔術師男友先啦!」

互窒冇意思
林峯昨日在金紫荊廣場拍攝《全城啟步傳聖火》片段,林峯得知阿Rain對其容貌發表出位言論,即表現得介意,他說:「冇嘢講,咁樣一人一句冇意思。」問到二人連日來互窒,是否矛盾已達白熱化階段?他說:「我冇出過聲,唔覺佢寸我。」
採訪:卓寶花、卓美娟 攝影:陳慧安
empty
咁樣一人一句冇意思!
林峯
empty
左起:錢嘉樂、吳家樂、鄭中基及阮兆祥在節目中玩水。
empty
(後排左起)梅小惠、吳家樂、李蘢怡、(前排左起)Boy'Z的Steven及Kenny前晚一起比賽,擺出合拍姿勢。
empty
方力申撲排球時有姿勢兼有實際。