父母最怕初生子女睡夢中被聲音驚醒，但是梁健威卻沒此「煩惱」，因為詠彤根本丁點兒的聲音都聽不到。「我哋喺詠彤歲幾兩歲嘅時候發覺佢聽覺有問題，無論屋企電話響、關門聲、行雷閃電佢都冇乜反應。經檢查後，先知佢失聰程度達到八十五分貝，即係要飛機聲先足以令到佢感覺到有聲。」三十七歲的阿威說。
妻子中度弱聽
阿威的妻子早在懷孕初期，聽力開始無故下降，變成中度弱聽，其後更需佩戴助聽器，卻沒想到此病竟會「遺傳」給女兒，令其妻經常自責。然而，事實終須面對，礙於妻子聽力所限，阿威惟有辭掉貨櫃車司機的工作，負起照顧及訓練女兒的責任。
「詠彤唔同其他小朋友，可以自己睇電視或聽人講嘢去模仿，佢要完全依賴我去教佢，當初覺得真係好困難，好似『樹』字，佢會讀成豬、鼠、船，學一個字都好複雜。」阿威說。
除了在家訓練外，阿威還把詠彤帶到香港聾人福利促進會接受多種課程。這下子問題來了，因絕大部份聾童都由母親帶領，堂堂男子漢的阿威如何混入師奶群中「收料」，與她們打成一片呢？
「最初我行埋去佢哋嗰度，有啲真係會彈開，係會有啲尷尬，不過久而久之，都成功融入佢哋圈子，𠵱家佢哋都當咗我係半個師奶啦。」阿威哈哈地笑，說來沒有半絲忌諱。