林奕匡今日喺新城做訪問，呢個星期14號就係情人節，問佢點慶祝？佢話：「諗住會煮飯，但有咩plan就唔想講住，因為講咗會畀女朋友知道。」

問佢今個農曆年點過？林奕匡話：「本來都想話去旅行，但係講過回流返來香港做歌手，未有成績前唔想去玩。」

原來佢喺香港冇屋企人，都幾孤單，去年發展又唔係咁好，搞到自己有抑鬱，不時喊同失眠，唯有不停作歌發洩，呢排歌唱事業上又有啲起色，所以都冇咁情緒失控。