【動畫】鳳德邨錄音機起火 母子吸入濃煙送院
雪鳳樓錄音機鳳德邨火警露台
【12:58】新增街坊訪問
【12:20更新】母子送院後目前情況穩定。
昨晚11時許,黃大仙鳳德邨雪鳳樓一個單位冒出濃煙,街坊發現慌忙報警。消防員接報到場,開1條喉及動用1隊煙帽隊灌救,約12分鐘將火撲熄,居民毋須疏散。
據稱,起火單位住有一對姓林95歲及姓葉67歲母子。街坊形容起火單位內堆滿雜物,火警中兩人吸入濃煙不適需送院治理,現時俱情況穩定。消防員調查發現,一部舊款卡式錄音機疑電線短路起火,火舌波及其它雜物引起火警,起因沒有可疑。
今晨姓葉男事主的胞弟登門查看單位的燒毀程度,問到他間屋「燒成點」,他指「好小事」,又指好小問題。而住起火單位對面的街坊李婆婆表示,昨晚聽到門外「好嘈」,女兒叫醒她起床,打開門嗅到大陣燶味,又好大煙,「見到個仔(葉)瞓咗係度,救護員同佢急救,消防員叫我哋快啲閂門。」
另有街坊表示,起火單位原住有林姓母親、其葉姓兒子及細女,稍後細女搬出,只剩下兩母子,已入住20多年。據了解,葉嗜酒,街坊聽過晚上有人駡母親,曾在凌晨3時仍聽到吵鬧聲。
【minigame】2017瘋暈人物 返工打機唔使擇日
http://bit.ly/2CeWQkP