記者日前到醫院探望張伯，見他插着胃喉，陷入昏迷狀態。在旁的四十六歲阿娥淒然表示：「嗰日我買完餸返屋企，得知阿爸先前突然喺廳度暈低，要由同屋打電話叫白車（救護車）送入急症室，我趕到醫院，見阿爸已經醒番，佢重識得叫我唔使擔心。點知三日後阿爸一直講唔到嘢，神志不清，無論我同佢講乜，佢都只能夠呆望住我，無辦法回答。」
擔憂病況不穩定
阿娥的父親張伯，早年隻身由潮州來港謀生，多年來靠做地盤工人，賺錢養活鄉間妻兒。約十五年前，張伯患上肺病，加上已屆退休年齡，自此倚靠微薄綜援金維持生計。
今年初，長女阿娥獲批單程證來港定居，令張伯深感安慰，不致老來仍落得孤零零一人獨自生活。
如今張伯肺病病危留醫，面容憔悴的阿娥歎謂：「阿爸患肺病後要定期食藥同覆診，退休後寧願留喺香港生活。𠵱家我落咗嚟，以為可以好好照顧阿爸，享天倫之樂，估唔到變成咁！今日醫生重話我阿爸嘅情況好唔穩定，令我好擔心！」