余文樂再戰樂壇，推出國語碟《我不是明星NAS》，明明就是明星，為何硬要扮作不是？樂仔日前說：「就係想話畀大家聽，明星唔係大家想像中遙不可及，可能拍戲耐咗，感覺同群眾距離遠咗，其實我好平民o架咋，都會一個人去茶檔食嘢。」

新碟沒有以前冧女的情歌，完全屬於他的個人風格，沒有特別討厭過往的歌，只是現在有更大自由度做自己喜愛的音樂。現時出碟蝕多過賺，樂仔仍要堅持，是否他近年密密拍戲身家暴脹，銷量對他來說早沒壓力？樂仔說：「又唔好咁寸，只係想多一個渠道，之前見到張智霖開演唱會，見到佢嘅過程好似好辛苦，但係上到台嘅喜悅真係同拍戲好唔同。」
近年樂仔與郭富城、沈嘉偉這班愛車之人成為好友，最近他被發現在加稅後仍然揼本，買下價值百多萬的跑車，問是否受他人影響，樂仔坦言：「我同阿城佢哋點敢比呀，仲差好遠，唔係受人影響，其實我自細都鍾意車，係我一個目標，推動我繼續衝。」下一個目標是甚麼？他直言：「我都想有自己屋企，不過到家都仲未搵到對象。」
採訪：胡比　攝影：林德雄
髮型：BenYeung（HairCornerofHK）
化妝：JennyTZIONG　服裝：Izzue
場地提供：ELEMENTS