其間演員繼續以爛gag搞笑,李香琴重提拍劇時大家點對佢,仲話:「當時個個對我斟茶遞水服侍周到,無以為報,以前就興以身相許,家……」阮兆祥好鬼馬笑笑口接住話:「家都得,我最鍾意有經驗。」陳豪就揚言開續集事在必行,只係睇《宮心計》定係《公主嫁到》先,最好做個民意調查喎!
阿佘就覺得兩套都好難揀,不過佢個人意願就想開喜劇,佢話:「如果《公》劇再開,我就已經冇之前咁刁蠻,冇咗呢種特質,唔夠搞笑,但《宮》劇就可以調去做奸角,仲有發揮。」阿佘又好期待鄧萃雯同黎耀祥主演嘅《巾幗梟雄2》,睇嚟年尾無綫頒獎禮都係雯女同阿佘之爭,阿佘話:「唔可以咁講,隨緣。」