當年今日
關於我們

【Love is Giving】吳綺莉義賣畫冊 包括卓林小時候作品

蘋果日報 2018/12/21 17:26

卓林吳綺莉欠租Andi

吳綺莉(Elaine)今日去到西九龍一酒店出席「Love is Giving」慈善活動,Elaine捐出15幅畫作製作成畫冊作義賣,其中有幾張仲係卓林小時候嘅畫作,全部都係非賣品,Elaine話:「15幅畫都係啲舊嘅作品,封面嗰一張係我畫畀個女嘅,因為個女係屬兔,全部都係非賣品,我見到本畫冊嘅時候真係好感恩,覺得係一個神跡,同時又可以捐俾有需要嘅小朋友。」問到佢想唔想同卓林一起重拾畫筆畫畫?Elaine就話:「想㗎!盡量都希望,o依家做任何嘢都希望可以多啲分享正能量,人與人嘅相處係要互相扶持,有時自己係睇唔到自己唔好嘅地方,朋友係要互相幫助大家,每個人都有壓力,大家要幫助大家。」
最近卓林宣佈同Andi結咗婚,返港後所住嘅賓館欠租,要Elaine出手打救,發生接二連三嘅事,Elaine會唔會好大壓力?佢話:「每個人有唔同嘅壓力,所以我話朋友間同埋親人之間,要互相扶持,我都想帶呢個訊息俾屋企人。」問到佢卓林明白未?有冇進步?佢就話:「每樣嘢都係要慢慢嚟。我呢兩、三年自己就有進步,脾氣好咗。」
再問到Elaine點樣形容現時母女關係?Elaine直言:「係磨合期,我年紀比佢大,都係學習嘅階段,唔會有太多要求。」再追問到金錢上需唔需要幫手?佢就話:「合理啦,唔講啦。」
精選娛聞,喺晒《娛果》
http://fb.com/appledailyent
empty
攝影:林賓尼
empty
吳綺莉為慈善活動「Love is Giving」製作成畫冊作義賣。
empty
畫冊包括卓林小時候作品。
empty
吳綺莉話家人、朋友係要互相幫助,而自己呢幾年都進步咗,脾氣好咗。
empty
因為卓林屬兔,畫冊封面就係佢畫俾個女嘅。