神劇《太陽的後裔》男星宋仲基聽日會喺武漢舉行粉絲見面會，佢今日從韓國出發飛去武漢，為見面會做準備。而佢喺機場現身時就包到冚，除咗戴上帽外，又戴咗個黑色口罩，粉絲都難以睇到佢個靚仔樣。

至於宋仲基嘅好拍檔宋慧喬，佢之前為時尚雜誌《W》拍嘅新相今日亦都公開，只見喬妹個造型好鬼潮，大玩型格。當中頭髮濕漉漉外，啲妝容繼續充滿潮味，鮮藍色眼影十分誇張，不過喬妹都好大方，大騷美腿，好不性感。