每年春夏，一系列的粉色眼影陸續上場，粉紫、粉紅、粉藍確實甜美可人又吸引，之不過只限於彩妝廣告上的女主角而已！皆因東方人的眼睛輪廓向來不及西方人深邃，塗如此粉色系眼影容易令雙眼看起來浮腫。識得揀「公主李」手織假睫，戴咗仲唔會俾人察覺，自然至極。但自然以外，今期流行浮誇假睫，好處是既可靈活改變眼睛形態，亦能改善亞洲人普遍睫毛短小，偶然揀番對搶眼睫毛，然後輕裝上陣，亦夠晒個性化！當然，假睫在天橋上可大玩特玩，但當返回現實，就只有常餐揀──即揀得誇張假睫，就不容配襯花樣服飾。因此，在服飾方面盡量選擇一些素色的服飾，以裸色、藍色、米白、黑及灰為主，種類如單膊、不規則、多層次的細節連身裙，點到即止。以下三個示範，都以極誇假睫，如閃石、羽毛等，然後搭上極簡約輕裝，玩味時裝與時妝。

看見如此誇張的假睫好多人會卻步，但其實與普通假睫戴法無異，反因其較厚重，塗睫毛膠水後甚或可用手直接貼上，相對用睫毛鉗較易操控。

雖開宗明義玩浮誇，但上述三式極誇示範畢竟不是人人接受得來。今季牛仔Look大熱，正好配襯一些帶性感設計的假睫如特長假睫，注目得來又不會過誇。顏色以銀白、紫、藍及綠色為主，不同色系和形態的假睫，帶出春天的氣息之餘，亦可令眼睛有修長效果。

看過上文，是否已蠢蠢欲動想把彩妝睫毛成為你往後的時裝飾物？設計獨特的假睫精緻得像藝術品，就算沒膽量戴上，亦會心動想收藏。植村秀出品的彩妝睫毛找來MaySum精心設計了6對以LOVE為題的假睫作慈善拍賣，由邂逅、確認、拍拖甜酸到訂婚盟，每一對都在說故事。

Shoplist
agnèsb.（22657018）

Eye'sChic@ENID台灣美妝專門店（21174227）

izzue（23142556）

JeanPaulGaultier（29180374）

M.A.C（25771368）

shuuemura（25135622）

toutacoup（29920540）