韓國人夫李秉憲早前因為涉及被勒索及婚外情的是非，網友對其好男人形象大大受到質疑，日前更喺網上進行聯名請願活動，要求廣告商停止一切憲哥代言的所有廣告。

雖然大家係衝住憲哥嚟開火，但請願活動就令同憲哥同一間公司嘅女星韓孝珠躺著也中槍。皆因網友要求停晒所有憲哥嘅廣告，韓孝珠跟憲哥一齊拍嘅網上購物廣告都包括在內，所以無辜嘅韓孝珠亦都間接受到影響呀，認真陰公。

其實韓孝珠早前已經因為細佬涉嫌喺軍隊入面施虐而陷入各種未經確認嘅傳言，而家又可能因為憲哥被連累到連廣告都冇埋，真係一波未平一波又起喇。