蘇兆輝周日（4日）開始客串，以騎者過往表現能力，就算未及已達地膽級數的潘頓，要騎贏田泰安及史卓豐幾位前列過江龍則無難度，還要他有能力造輕磅，難怪不少人視他為潘頓頭號勁敵。

以蘇兆輝今日地標戰具分量座騎已出奇地多，睇怕這位英國冠軍來港前已為今次大展拳腳做好準備，這趟明顯不是來渡假而是認真掘金，值得視為短炒目標。

第八場「佳知武仕」也有機會替蘇兆輝贏馬。前仗該駒配沈拿跑田草1600米與頭馬「鋒芒畢露」鬥至彈甩馬群僅敗，其後過終點的「活影」及「福威勝」再出非冠即亞，為何「佳知武士」上次同一配搭跑同程輸到無影？

皆因該駒帶懶性，前仗早段沈拿力騎省起步頭越走越順，然而上仗早段畀了短時間後，「佳知武士」因未能切入，沈拿竟選擇按慢，結果入彎時開始甩口，今次換上極硬功的蘇兆輝，料會自第九檔力策上前切入，正符合該駒真正個性，有望發揮最佳水準。