【更新：現場影片】
被視為「梁粉」的前行會成員林奮強及恒隆地產主席陳啟宗在一個論壇上，談香港的危與機。林奮強認為，若沒雙非兒童和單程證新移民，香港人口早於2001年已開始萎縮，比日本早7年就「絕緊種」，「如果我哋香港有720萬人，掟曬呢幾年嘅新移民，掟咗80萬人走，你諗下，每9個香港人裏頭就掟一個走，你諗緊你office裏頭能唔能夠運作，你諗緊出街食飯，有冇人煮餸畀你食」、「香港嘅經濟，其實少一個新移民都不能少，因為根本上function（運作）唔到，咁其實我哋已經係咁融洽，做到一家人嘅事情，點解無端端呢兩年出嚟，就自己製造爭端呢？」

今日出席論壇者大多是中老年人士，林奮強指面對人口老化，青年向下流，香港錯失了很多機會，未能把握。他指香港公立醫院不足，且酒店也不夠，都是街頭街尾的劏房式酒店，不及澳門，令香港良好人才都往外發展，令香港漸「菲律賓化」。

陳啟宗指，很多港人上一代也是新移民，「如果60年前你老竇落嚟時畀人睇唔起，你又開唔開心呢？」。他表示，香港人「完全係小心態，冇大視野，同埋有莫明地自高，同時有自卑」，又指「見到出入我『君臨天下』嗰啲有自卑感，見到其他拖篋嗰啲呢，又有自高感」，呼籲港人勿自卑亦不要自高。他認為香港經濟向好因有中國內地大發展，「佢哋好少少就發到飛起」，又指若香港再不發展，就百病叢生，若今天不與內地接軌，「蝕底係你」。