當年今日
關於我們

  朱牧師直選分隊頭都大 - 李八方

蘋果日報 2004/04/13 00:00


為協調泛民主派參選,民主發展網絡主席朱耀明牧師同民主動力召集人鄭宇碩呢輪頭都大晒,好辛苦先搞掂港島區五個人分兩條隊出九月直選,一陣何秀蘭又話可以諗吓分五條隊出,重捉住朱牧師,叫佢諗吓全港九新界一齊全面睇得唔得?
八方問白鴿黨李永達可唔可以由頭睇過,達仔話,真係好難叫四十幾個有意參選嘅人一齊坐低逐區傾,因為大家都冇興趣傾他區嘅嘢,不如先逐個大致傾好,再睇吓點可以贏到盡或者保住第「N-1」個席位(N=該區席數)。
目前除咗港島同九龍西,九龍東都大致OK,民主黨出一條隊,前綫、職工盟加埋民協出一條。民主黨如果華叔唔出,就李華明帶頭,加個胡志偉;另一隊就三個組織協調兩個人,即係陶君行、葉岳峯同廖成利三取二,自己斟點數喎。
(圖)朱耀明牧師前日遊行前忙於叫人簽名反釋法,呢排佢協調選舉都好唔得閒。


傳真︰2623-9278
電郵︰[email protected]