韓國人氣綜藝節目《無限挑戰》本周六將播出新嘅一集，今日節目組公開最新預告照，當中除咗男神金秀賢做嘉賓外，性感歌姬李孝利亦有份出演。

男神金秀賢着上西裝同《無限挑戰》成員進行「尋找美味飯車」嘅任務，而李孝利則喺「與孝利一齊舞蹈」嘅環節中大展舞技。

另外，根據韓國傳媒今日報道，由金秀賢主演嘅新片《Real》將於下周三上映，今日韓國影像等級委員會確定電影列為19禁，唔適合青少年觀眾觀賞，又表示：「由於電影中有性行為，全裸，以及用刀等武器殺人、吸毒等場面。」而電影喺主題方面涉及暴力、恐怖、藥物、有模仿危險等幾方面都全被判定為最高等級。