超模仙蒂歌羅馥（Cindy Crawford）嘅18歲大仔Presley Gerber同16歲女兒Kaia Gerber早已繼承衣砵，加入模特兒界。噚日，佢哋就一家四口一齊出席著名鐘錶品牌Omega喺巴黎嘅活動，宣佈Presley同Kaia成為品牌嘅全新宣傳大使。

仙蒂歌羅馥已經為Omega做咗22年代言人，Presley同Kaia近年喺模特兒界漸露頭角，今次獲品牌起用同媽咪一齊代言，而喺新一輯宣傳照上，除咗仙蒂歌羅馥同仔女，丈夫Rande Gerber都有出動，實行一家四口為品牌宣傳。