【《MAMA》】開場個半鐘仍有500粉絲聚集 場外混亂粉絲推欄衝入場
MAMA
【新增內容及圖片】
韓國年度盛事《MAMA音樂頒獎禮》今晚喺亞博館舉行,而每年《MAMA》都吸引大批粉絲追星,當中來自世界各地嘅粉絲捧場。
去年《MAMA》入場時就發生混亂情況,當時因為場外檢查問題,令到粉絲遲遲到未能入場欣賞節目,令未能入場嘅粉絲喺出面發生混亂情況。
而今年情況亦都一樣,有粉絲指場外有粉絲同保安爆發衝突,更有粉絲推欄,衝上前想入場。據了解,疑似有韓國粉絲就唔滿意唔畀帶相機入場,所以就聯同其他粉絲想衝入場,搞到保安即時喝止佢哋,有唔少粉絲想衝破防線,令到現場非常混亂,而有指粉絲同保安都有受傷。不過頒獎禮未有因為場外事件而影響進行,大會亦照如常晚上7時舉行。
截至晚上8時30分,場外仍聚集5百粉絲仍未進場,當中有粉絲疑似冇飛,所以被保安阻止入場,令粉絲塞爆場外。
更多韓流,喺晒《娛果》
http://fb.com/appledailyent