大阪6.1級地震，不少港人身在當地，Marco便是其中之一。Marco今晨向《蘋果》表示，他分不出今早是被酒店警鐘嘈醒，抑或震醒，總之醒來便感到房間搖晃得頗厲害。「搖得好犀利，上下晃動，好似跳彈床，當時嗰一下唔識驚，香港人未試過地震，唔知發生乜事，大概維持咗10秒，震完先識驚。」他指幸好房間內沒有東西掉下，沒有受傷。　

驚魂甫定後，他急急腳由20多樓步行落樓梯到地面大堂，其間有不少旅客亦沿樓梯逃生，秩序大致良好，沒有混亂，落到地面便向酒店職員查詢有關情況。Marco稍後離開酒店，發現市內的百貨商店已貼出告示指今日不會開門，便利店內的食物被掃去半數，只有少數食肆包括連鎖快餐店有開門，但大排長龍。

由於地鐵已停駛，只有巴士行駛，大部份上班的「西裝友」在巴士站候車，但大家都好安靜，有秩序，神情自若。Marco不諱言「唔講都唔知發生過地震」，不過，當地新聞報道不斷播出地震受災片段，才知道有部份地方發生火警。

Marco今次來大阪6天，今日是第5天行程，原本諗住乘地鐵周圍逛，但因地鐵停駛，便不能周圍去，坦承行程因地震受到影響。

另一位港人旅客Edmond則身在京都，亦感受到地震的威力，他指震央大阪北與京都很近，「震咗10秒左右，我唔緊張，時間好短，我匿喺枱底，酒店好快有廣播安撫我哋」，他指京都市面平靜，巴士及的士繼續行駛，火車站和地鐵停駛，京都火車站擠滿等候車站重開的乘客，客戶服務員都講不定今日內是否能重開車站。Edmond本來想搭火車到嵐山，現在唯有搭巴士前往，候車時間多了，他預料今日行程會因交通而受阻。

你敢爆，我敢獎！ 即Call《蘋果》24小時爆相爆片熱線 ：63836568