美國歌手Rihanna一向走喺時尚嘅尖端，仲同好多唔同品牌合作出時裝系列。不過Rihanna睇得上眼嘅時裝，同普羅大眾嘅合味可能有啲出入。

佢最近去咗Coachella音樂節狂歡睇騷，喺Instagram上載咗自己穿上包實全身嘅閃閃緊身衫，原來件衫連埋頭套，可以由頭笠到腳。Rihanna仲將副黑超戴喺頭套之上，呢身打扮勁似由山東青島大媽發揚光大嘅臉堅尼（Facekini），可以點狂歡都唔怕曬親。

另外，美國模特兒Kendall Jenner都身在Coachella音樂節，佢去咗一個大麻螢光派對，穿上性感嘅透視裝露屁股。據悉佢喺派對上冇吸引到大麻，只係同朋友飲酒跳舞。