過去幾個月，都有唔少人問孫柏文：「今次點收科？」講真，之前冇咩結局嘅可能性特別高。到呢刻，就真係有個結局嘅可能性突然增加。如果真係呢個結局，事前大家必要做定功夫，去保護自己。

大家都知，林鄭一去完北京，就回港宣佈用《緊急法》廢立法會，攞咗立法權。咁立咗咩法其實唔重要，最重要係政府已有不斷推進嘅決心。咁大家都知北京、特區政府舞動香港般尖端社會嘅能力有幾高。所以大家見佢哋用《緊急法》，就有如見到個輕度弱智嘅小朋友，打開咗個啲眾人千叮萬囑叫佢萬萬不能打開，藏有機關槍嘅盒一樣。

依家個低能仔向天開咗一槍，好似葉劉淑儀、葉國謙等，佢喺特殊學校嘅同學，就係咁鼓勵佢用支機槍射嘢。

咁大家要問自己，當弱智仔支機槍射嘢時，要射到咩位，啲人先唔出來？好。咁我再問，你估射到嗰個位之前，香港嘅錢會點？仲唔走？除非你覺得弱智仔揀靶兼射得好準，令啲錢唔驚續留，不過啲人就驚到唔再出來。

依家現實係，香港借貸破記錄水平，樓價超高，大部分按揭同HIBOR掛鈎。而因弱智仔係會不斷用《緊急法》推進，錢走HIBOR爆升一定發生。到時，最弱嘅業主頂唔順，開始掟貨，負資產重臨，信貸評級公司開始質疑香港銀行是否資不抵債，進一步令錢外流，惡性循環。

國家喺習大大領導下，所謂國進民退，迫人交股權出來等，已早同你講視國家生產力為無物。HIBOR爆升後，弱智仔就會喺葉劉、張華峰等同學鼓勵下，向資金逃生門開槍，射爛個瑣，落閘唔俾錢走。

HIBOR必爆升下，有個毫無值博率嘅落閘風險。今日，就要快搵方法將錢滙走。落閘後先後悔？太遲了。當然，可能HIBOR爆升時，就係北京投降之時，maybe，maybe not。

孫柏文