【學界籃球】男拔反勝聖若瑟英中 決賽撼寶覺爭做九龍王者
英華男拔九龍區D1寶覺聖若瑟英中
九龍區D1學界籃球男子組決賽戲碼出爐,拔萃男書院周二於荃灣體育館面對黑馬聖若瑟英中險遭滑鐵盧,惟射手徐浚豪第四節爆發攻入11分,助球隊反勝46:41,連續三年於決賽對寶覺中學,後者內外開花,以16分之差淘汰英華書院。
男拔萃兵多將廣,但今仗陷入苦戰,亂局中命中率偏低成致命傷,相反聖若瑟將士用命,大批師生入場支持下打出「士氣波」,直至第四節初段仍領先八分,不過男拔萃的徐浚豪挺身而出,單節獨得11分,包括三記三分球,反勝為敗的聖若瑟陣腳大亂,未能重整旗鼓,終憾負五分。徐浚豪賽後不諱言球隊輕敵險釀大錯,「開波都有少少睇輕對手,無諗到佢哋一開波球球入哂,對手準備得好充足,真係輕敵咗。」
決賽另一席由衞冕的寶覺取得,寶覺四強惡鬥傳統勁旅英華,儘管寶覺冠軍班底大變,但今仗內外開花,首節即狂轟四球三分,領前英華19:10,此後寶覺內線雙子林嘉豪和劉榮浩輪流於內線發威,英華球員噸位不及,屢被對手搶下籃板,寶覺全場佔盡上風,以54:38報捷,昂首殺入決賽。寶覺隊長范業弘攻入13分成功臣,他認為球隊全場跟足部署,表現不俗,「我哋今日都發揮到快、保護籃板嘅優勢,我自己就防守都仲有甩漏,射波都錯失幾球空位,表現值70分。」去年他上陣機會不多,今年擔大旗領軍,他冀能克服壓力,「上年大部分主力都走哂,但我哋呢班夾咗幾年,所以我都有信心,壓力都會有,畢竟都係第一次帶領球隊入修頓,希望克服到。」
學界籃球D1四強賽果
組別 對賽
港島女
漢華87:20香港真光
英華61:16港大同學會
九龍男
男拔萃46:41聖若瑟英中
寶覺54:38英華
日期/組別/對賽
1月13日/港島女/漢華vs英華
1月15日/九龍女/協恩vs寶覺
1月16日/港島男/待定
1月17日/九龍男/男拔萃vs寶覺
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 --------------------
【撐學生】召集有心人 撐學生全年睇《蘋果》
立即按此 --------------------
《體蘋果》陪你睇波講波
https://www.fb.com/appledailysports
寶覺以16分之差勇挫英華,其中隊長范業弘(左)攻入13分。